وحيدة ايامي
 

جاتك قصيدة صغتها من العامي .... ابياتهاصادقة والشوق يحذيها
ياصاحبي صغتها ثم جفت اقلامي ... وصبح هشيم الوقت يذري ذواريها
وازمت اهوجس ولملم باقي احلامي .... واصفج بكفي من الحسره وجاريها
ماعاد تفرق انا رويان او ضامي .... القلب عاف الحياه وكل مافيها
عايش وحيد وعبرتي تسبق انسامي .... في وحدتي عايش لحالي وقاسيها
اصغر احلامي طفلن يستر افلامي ..... ونعيش صدق الحياه بكل مافيها
ان صرت ضايق اشوفه دوم قدامي .... يمسح دموعي بكلماتن يحليها
واكبر احلامي اشوف الناس صيامي .... عن الحسد والكذب ياهي معاصيها
هذا كذوبوذاك ماعنده ايماني .... وهذا مصالح ونيه خايسن فيها
وهذا رفيجن زينلكنه اعلامي ... يغتابك اليا غبت عنه ويعميها
وش نفعها يازين دنيا للاعدامي ... انعيشها وانته تحسب بلاويها

والسموحه من الجميع هذي بداياتي

ما شاء الله

عفرا بدايه جميله ومعاني أجمل

فقط من اطلاعي البسيط

لا يحبذ تكرار القافية في موضعين متقاربين مثال:

ماعاد تفرق انا رويان او ضامي .... القلب عاف الحياه وكل مافيها
عايش وحيد وعبرتي تسبق انسامي .... في وحدتي عايش لحالي وقاسيها
اصغر احلامي طفلن يستر افلامي ..... ونعيش صدق الحياه بكل مافيها

وكذلك أحسست بأن بعض الأبيات فيها خلل واضح في الوزن كهذا البيت:

اصغر احلامي طفلن يستر افلامي ..... ونعيش صدق الحياه بكل مافيها

السموحة منك أختي وتقبلي مروري لنتشارك الفائدة الشعرية

تحيتي

مرحبا اختي عفراء أحساسكي جميل لكي التوفيق والى الامام انشالله

عفرا.... جميل هذا الأحساس


حاولي التركيز على أساسيات القصيده


وننتظر الأجمل

كل الشكر لكم اخواني وهذه مجرد احاسيس من الوجدان شعرت بها واردت ان اترجمها بكلمات معبرة