يعذرونك
بعت لاجلك يا هوى اهلي وناسي
وين انت اليوم يا من بت ناسي
تهنا اعيونك . وتتلذذ فنومك
وانا عيني ساهرة ومنك تقاسي
آه منك وآه من قسوة جفونك
كيف تقوى وطيفي لك يبدي التماسي
انا اهوى نار توقدها بجنونك
وترتضيها للذي توجك راسي
للقلب. للعين . للي يشترونك
ياللي تشري ف العمر لحظات يآسي
يعذرونك كل من شافوا عيونك
ويعذرونك يا هوى جملة حواسي
من يلومك لو تجنبني علومك
وترتضي لي عيشتن كلها مآسي
لما انت تكيد لي من ذا يلومك
دام قلبك لا يلوم ولا يواسي