من قال نفسه بالحـلا قلـه تعـبّ
بنت الشيوخ يا كثرهـم خطّابهـا
والي يبي شعبان يتحـرّى رجـبّ
دامه تمنـى بالغصـون اعنابهـا
من يرمي النخـلات ردت بالرطـبّ
والطير ما تجـرح بـلا مخلابهـا
ما حد , يعلّي جدر بيته من قصبّ
ويهدد الرعيـان حـرّق احطابهـا
واهل العقول تدرى بهم عند الغضبّ
لان الغضب يعمـي معـاه البابهـا
واليّ لباكر مـا تأمـل او حسـبّ
ما ينتكس لو صار عنـد اذنابهـا
كم ذيب مقطوعه جذوره من نسبّ
ما تنصف الفرسان طول اشنابهـا
ذيب الذيابه مـا يذيّبّـه الحسـبّ
واسمه يزلزل بالقلـوب اصحابهـا
واليعربي لو مـا تحلّـى بـالادبّ
واعطى السلامه بالطريق اسبابهـا
يبقى سبب نفسه ولا غيره سبـبّ
والعيب اكبر فـي لِحَـى شيّابهـا
واليّ اخذ حقك بظلمـه واغتصـبّ
بيجيب حقك مـن طويـل ارقابهـا
اعمى البصيره قال تيسه ما حلـبّ
واهل الجهالـه يـا كثـر القابهـا
ليش كل زمره جاهليـه بالعصـبّ
والنار تغلي في عروق اعصابهـا
تدري العجيبه يوم تقول اكبر عجبّ
ان العرب ما عـاد فيـه اعرابهـا
وان العرب ما ضرهم غير العـرب
حكمه وصاحب صاحبي يدرى بهـا
وان النفوس الي معادنهـا ذهـبّ
صارت غريبه في وسط اسرابهـا
ياريـم حَنّـي للجدايـل بالخُلـبّ
وامحي من الاجفان كحل اهدابهـا
زفي الجنايز حافيـه ليـن التـربّ
وارثي القصايد من ورى جلبابهـا
بنت الشيوخ يا كثرهم خطــّـابها
للشاعر ميلاد اليماني