علمني كيف الخيانه لو تبي واخون
علمني اكذب من الكذبات اعذبها
من الألف لين نوصل لا .. حدود النون
اسقيني معنى اخونك لجل اعشقها
بس البدايه فديتك لي طلب مجنون
كَحّل عيوني بدمّك قبل اشربها
علمني كيف اسجنك في داخل المسجون
وكيف افكّ القيود اليّ .. تقفّلها
علمني ارسم على وجهي سراب اللون
كيف الملامح مع صوتي وادبّلجها
علمني كيف الغلا في صاحبه بيهون
وكل لحظه غليتك حيل ارخصها
كيف انتحر في خدود الورد كالمفتون
واهيم بالعشق قصه يوم امثّلها
علمني ارحل بلا قمحه بلا زيتون
وكيف ابحر بلا موجه ومَرّكبها
وكيف ابيع الوفا واقبض به العربون
وابخس عهوده وانكرها واجّحدها
ودّك اكون مثل ما ودّك انا بكون
بلّورني في فكرتك وابشر احققها
لو كان فرعون نفسه صرت لك فرعون
فصّل ثيابه وانا بالظبط البسها
دام العواطف بمخزوني بلا مخزون
مزق عروقي كما الاوتار قطّعها
بعثر .. بها الشك فيني وادفن المدفون
اقسى وخذ سوطك المهووس واجلدها
هذا انا صَكّ في قيمة سلف مرهون
قد طاف تاريخ موعد ما يسددها
اوعدك ما انا من الناس اليّ هم يشكون
ابشر فصمتي عِشق للآه وادمنها
لو في المحاكم من الواحد الى المليون
محال ارفع قضيه فيك واكسبها
ظلمك مؤبد بداخل عاشقك محزون
لين تدفنه في لحوده فيه ادفنها
خذ ركن يوم يحملوني بالخشب يمشون
وارمي جنازة حبيبك شوك يجرحها
لا تخلي الناس في احكامهم يقسون
عليك لو ما تجاملني وتححضرها
بقلم
اخوكم
ميلاد اليماني