[حمد العبيداني]

أبيك تغير أفكارك وترسم للحقيقة حضور
وأبي منك توادع رحلة الماضي

وأبيك بلحظة تنسج في ظلامك نور

توقده بولوعك وينتشي ياضي

أنا ماني صخر أنا كلي فكر وشعور

وضوحي ملبسي إبثوب فضفاضي

يقولو للمودة في الوصال حضور

ولكن في حضورك ينتشي إعراضي

ياجلمود تساما برغبته ف ظهور

يدوس بفلسفة بقايا كل أنقاضي

سرحت وبك طموح ف دنية المغرور

على صهوة جوادك تطوي رياضي

أباهي كل غلا بك وأنفتن مسحور

وصورك العبير بورد أحواضي

جميل الوقت لو هو يبعد المحذور

ويسكن في عيوني دمع هياضي

حكم دهري علينا وفي لقانا نذور

كأنه في وصالي حاكم وقاضي

يصيره الزمان بلوعة المقهور

ويقبل لي ضحوك بمبسم راضي

أنا كلي وفا وفيني الأماني بحور

أبد ماني على لعهود نقاضي

أكيد إن الليالي في هواها قدور

تغربل في صروف الوقت بالفاضي

أصير رحلتي في عزة المنصور

على درب المودة بمنهجي ماضي

وأصبر هالفؤاد المشتكي من جور

وأردد له بهجيري لحن وقاضي

عساه يكف نوح مقصده لحسور

حسور يفني عمري دون الامراضي