سلطان السيفي
ماني عصا غيري ولانـي بكـذّاب
حتى تقـول اليـوم واحـد انانـي
ولاني منافق شايلـن عـدّة انيـاب
حتى تجـي باكـر تـزوّد جنانـي
تدري اعاني م العنى عدّة اسبـاب
كثر الصراحة زلزلت لـي كيانـي
مرتاح لاكن مرتجي عضة الـداب
حتى تجي تشكي لأجلـك رمانـي
واذا تجي اعرف مكاني والاصحاب
واعرف بعدها موقعك في مكانـي
وان كان تبغي موتتي بين الاقـراب
يمكن يجي موتي على شخص ثاني
ادري معاند لاكن الظـن ماخـاب
عمرك حكاوي تنتهي مـن لسانـي
جمرة خبيثه صابت البيـن بعتـاب
اسبابها تاجر حكـي فـي زمانـي
وادي وصحرا شاركن فتحة البـاب
الارض وحده والركايـب رهانـي
جزله وغزله بالسطر دوم سكّـاب
يرقى عليهـا موّرديـن السمانـي
البحر هاجت شاعريته ع الالبـاب
تبحر فصوله في ضروف الثوانـي
والفجر اوحت طلّته تعلن حجـاب
بين الرواسي ناحتـه عـن امانـي
والصبح اقبل مشرقه يعلن جـواب
القلب مرسـى للحبيـب وموانـي
سلطان لك تحيه عطره مني وبارك الله فيك نص يابحر يامن تجيد التنقل بين جنبات نصك بكل رقه وعذوبه
بكل الود والتقدير سالم الريسي
|