اقتباس:
المشاركة الأصلية كتبت بواسطة عبدالملك البلوشي
(ليــــــتك تكوني فالحقيقه ثانيه)
!
.
.
.
ماعاد يجمعنا على السكه كلام
دام المواعيد الحزينه دانيه
ماقلت لك اني اشوفك فـ المنام
ليلة فراق وانتي فيها جانيه
واني بقلبي اتبعك وسط الزحام
وما ألاقي غير قبله فانيه
يا آنسه تدري شنو معنى الحطام
اني أشوفك في يدين ٍ ثانيه
ويا آنسه تدري شنو أقسى الهيام
اني اشوفك في يدينه آنيه
ماعاد فالدنيا مواعد والتزام
دام المَفَارقَ للمواعد غانيه
لا تعشقوا غير اللي يعشق بإنتظام
لانه النساء في هالزمن متغانيه
تبغي الرجل و تنكره وقت الغرام
تبني العشق و تهدمه في ثانيه
كل هممها تحصد رجل في كل عام
وياليتها في هالرجل متفانيه
تقضي العمر بين البشر مثل الركام
كل عام في قلبٍ وترجع عانيه
ماعاد يقنعها ف هالدنيه ملام
والحب يفنى والمقابر حانيه
ما تدري بانه العزف فـ الدنيا حرام
وانه الشريفه ما تشابه غانيه
وان الرجل لو كان من نسل الكرام
تبقى ف عينه ماتساوي زانيه
وان العشق في يد الرجل اصبح حسام
وان الكفوف الجانيه متوانيه
وان النساء لو بالفعل تبغي السلام
ماشفتها وسط العشق مترانيه
وان الوفيه تجبرك على الاحترام
لأنها على طباع الحشيمه رانيه
وأني انا لا جيت اعشق بـ احتدام
ماجيت الا أعشقك يا رانيه
و يا آنسه .. هذا اللي شفته فـ المنام
ليتك تكوني فالحقيقه ثانيه
عبدالملك البلوشي
|
جميل جدا وصح لسانك...قصيدة أبهرتني... وايد ناس تكلمو عن الغدر...بس انت صغتها بطريقة منفردة...اعجبتني القافية...بس حزنت جدا والله لان مثل هذا الجمال غريبه يضيع..بسبب هنّات بسيطه .. الابيات اللي باللون الأحمر راجع النظر فيهن..بتلقى لهن صياغه أجمل من ناحية الوزن..
أشكرك وانت شاعر جميل...واذا في توضيح اتمنى تفيدني ...لأن ابن آدم خطّاء...