25-12-2011, 07:10 PM
|
 |
شاعر
|
|
تاريخ التسجيل: Dec 2011
المشاركات: 78
|
|
حديث أغراب
:
:
الليله المنفى جناح غراب
ـــــــــــــــــــــــــ والحزن يسرجني على خيوله
الضيقه احيانا بدون اسباب
ـــــــــــــــــــــــــ تاخذ بصدري صوله وجوله
طال السفر يا سكة الغياب
ـــــــــــــــــــــــــ ماعــادت الأريـــاق مبلوله
ليل الشتا قاسي وصبري ذاب
ـــــــــــــــــــــــــ كنّ الثـــواني فيــه مشلوله
سمّرت نظراتي بثـقب الباب
ـــــــــــــــــــــــــ يمكن يلـــوح الحلم وآطوله
يشق نوره في ظلامي ناب
ـــــــــــــــــــــــــ وابني بصــدري للأمل دوله
بعض الهقاوي مالها محراب
ـــــــــــــــــــــــــ حلـــوه ولكــن غير مقبوله
العذر لو يشفع لمن هو غاب
ـــــــــــــــــــــــــ نوافذ الشـــرهات مقـفوله
ياصاحبي صوتك (حديث اغراب)
ـــــــــــــــــــــــــ ياقـصــر همساته ويا طوله
مبحوح لكن يسرق الألباب
ـــــــــــــــــــــــــ بإحساسه الصادق ومدلوله
طيّر من أغصان القصيد أسراب
ـــــــــــــــــــــــــ لو كانت (الاحــــلام) مقتوله
وانسج من خيوط السحاب ثياب
ـــــــــــــــــــــــــ يشبهـــك هتــانه وهملوله
مادام عزمك باقين ماشاب
ـــــــــــــــــــــــــ الغرس مايخذلك محصوله
بس انت كافح وافعل الأسباب
ـــــــــــــــــــــــــ يجيك يوم وتكسب الجوله
يعني لاتحزن والحياه كتاب
ـــــــــــــــــــــــــ لابد مــــا تتعــاقب فصوله ,, عطاالله ممدوح
__________________
القصيد اللي من إحساسي تفجر
ــــــــــــــــــــــــ سال نبعة وارتوت منه الحنايا
مايسام ولا يباع ولا يأجر
ـــــــــــــــــــــــــــــ اغرف بيوته واقدمها هدايا
للعقول اللي فضاها ماتحجر
ـــــــــــــــــــــــ تورده ,, وتصــدّر عدوده ملايا
atae1404@hotmail.com
|