رواد هذا الصرح الشامخ
هنا بعض حروفي البسيطه
أتمنى أن تنال القبول
وش آخرها
وش آخرها
وش آخرها
ياللي من أهل الحلا ما شدني غيرك
بالله قلي بعد صمتك وش آخرها
آنا برغم الجفا منك وتقصيرك
لجلك حروفي على غيابك أسطرها
وأكتب بدمي شعر يا عله يثيرك
وأشواق قلبك فـــ ليله لي تحررها
العمر بعدك عسى الله منه يجيرك
الليله تنزف سهر حتى أواخرها
وجه ع شاني على درب الوفا سيرك
تعال بأروع حضورك روحي إجبرها
لا تفتكر أنسحب يجبرني تفكيرك
نفسي ببعض الأمل دايم أصبرها
يمكن صروف الزمن تقدر ف تغييرك
يمكن طريق الوصل شمسك تنورها
هذا أنا مــ الملا ما هزني غيرك
الناس وان تبتعد من ذا يعبرها
لكن سؤالي وجاوبني بتقديرك
بالله قلي بعد صمتك وش آخرها
الساعة 1:20
27/12/2011
ولكم مني التقدير والإحترام