[محمد العيطان]

خطاوينا

خطاوينا ..
لوين مسافره فينا ؟
لهذا الليل ..؟ ذاك النور....؟
او انه ما لها مينا ؟
خطاوينا ...
خطاوينا
سفر مكتوب يا دنيا
على صفحة امانينا .. بدون احساس
حتى لو قروها الناس
يظل الهم يتنقل بكف الياس
وكف(ن) ما لها بصمه
تكتبنا ... وتمحينا
خطاوينا ..
وعزه مالها هامه
بداله بالنظر قامه
وهي حفنة تراب وطين
يا كيف الوقت ينسانا ؟
ولا ننسى اسامينا
خطاوينا
تعبنا ما وصلنا شي ..
لا لليل .. ولا حتى وصلنا ضي
ولكن ظلت الدنيا تمشينا
بكل دروب ..
بدون آخر مدى نمشي
لا من نلتقي بغروب
يلمحنا ...
ينادينا ...
ويمحينا ...
خــــطـــاويـــنـــا