طابت أوقاتكم بالخير والحب .....
أنتي أنتي مثل ما أنتي عنيده
وآنا طبعي في قراري دوم ساكن
لو جفيتي والوله يشعل وقيده
ما رجيتك لو جروحي لك يشاكن
ببدع الأشعار بطروقً فريده
في غيابك فمّ شعري ما تلاكن
وأدري أنك كلما تسمعي قصيده
تبني الحسرات في جوفك مساكن
ذكري الطاغي خنق فكرك بإييده
وصورتي ويّاك في كل الأماكن
وأعترف قبضة غرامك بي شديده
والقهر قلبي فحبك مـــــات لـــكن
شاعرك له عزةً ترفع رصيده
موقفه جنب الثريّا فيه راكن
في عنادك هجري القاسي بزيده
حتى لو حزني من البسمات ماكن
وحبّ ثاني ما أريده ما أريده
لو عيون الغيد من أجلي تباكن
يعني لو أجمع علاقاتي العديده
ما يساون شعرك الي حيل داكن
أعقلي وأمشي معاي اليوم سيده
دام لك نبضات في وصلي يزاكن
وكان قلبك عاشق و أنتي عنيده
وش لي بذلّك وأنا فالعز ّ ساكن!!