\
فـــــــــــــراغ
في ما مضى
كنت اكتب ْبأول سطر 00 واترك سطر
أرسم سحايب بالفضاء 00 وأرسم بيارق للنصر..
داخل دواير فارغه ، ما هو لشي ،
لكن تعلمنا كذا ...
أستاذنا دايم يقول:
اكتب سطر ...... واترك سطر .
* * *
في ما مضى ..
كنت اعرف أن الحبر هم
لا من نزفته عالورق يصبح مثل شريان دم
ويش بال جرحي يعتقه؟!
مدري! ... ولكني أحس ،
أن السماء زرقة بحر..
وان الضما ، هذا اللي يكسر رغبتي ...
محال أرويه بسطـــر
وأدري السطر مهما يطول ...
لازم يجي بعــده سطــــــر ..
أملاه و لاّ أتركــــه؟
أستاذنا دايم يقول :
اكتب سطر ..... واترك سطر !.
* * *
هذي القصيدة فارغه
مثل الفراغ اللي يضج بداخلي...
لا تضحكوا .....
الضحك قطعة من فراغ
فينا عقول جائعة .. يا كثر ما تأكل فراغ
كل الأماني ضائعة.. صارت فراغ ٍفي فراغ
ويش ذنبنا ؟... وأحنا تعلمنا كــذا
أستاذنا دايم يقول:
اكتب سطر ... و اترك سطر
يعني إذا جاز النظر .... يقصد يقول :
اترك فرااااااااا( )غ! 0
\