بلحظه يا يمه
بلحظه مرت الايام
فقدت أمي وعناويني
فقدت الروح مع أمي
فقدت الحضن ليحميني
بلحظه مرت الايام
تمنيتك تجيني تمنيتك تزفيني
تمنيت العمر يرجع
وأشوفك لحظه يايمه
يا أمي اللي ملا قلبي
غلا شوق غلا حبك يدفيني
أنا يا أمي يتيم اليوم
يتيم اليوم تركتيني
بليلة عرسي يا يمه
أدور في وجوه الناس
بس ودي تهنيني
ويا يمه مرت الايام
وحملت الروح في بطني
مثل ما انتي حملتيني
وجاني الطلق يايمه
صرخت امي تعاليلي
تعالي خففي عني
بلمسة حب تداويني
وزفرت الشوق يايمه
زفرة شوق تدميني
وصرت أدور بعيوني
أدور وينها أمي
لقيت ايدي بيد اختي تواسيني
وهذا هاتفي يغني
وقلت آلو من عندي
سمعت الصوت يا يمه
بتنهيده يكلمني
هذا ابوي يايمه
هذا ابوي يهنيني
بكيت وما قدرت انطق
وقال الصبر يابنتي
انتي ادرى بما فيني
يتيم ابوي يايمه
وعبدالله هجر عيني
وشيماء صغيره بدونك
وودها تكبر بحضنك
وبكل عيد يايمه تقول - اريد امي تحنيني
سلامي ليك يا يمه
سلامي ليك يا سعده
يا (سين) الحب بعيوني
و(عين) عالي مقامك
و(دال )بالدلع شلتي
حبي انا واخواني
و(هاء) اللي هدى دربي
بدعاء امي بيحميني
صلاتي للنبي الهادي
ياسيد سيدي وسيدي
صلاة الله على محمد
وبالاسلام هاديكم وهاديني
(اللهم ارحم امي واسكنها فسيح جناتك)
تحياتي - أم أفنان
15\3\2010
__________________
يمين الله يمين الله لأعلمك التحدي كيف
وأعلمك القصيد شلون يخضع لي وأنا بنيه
وأعلمك السما وشلون تمطر والليالي صيف
وأعلمك المذاهب الأربعة وتبيَت النيه
أنا بقولها لك جد ترى ما ينفعك ياحيف
وإذا إنك إنس يا عمي تراني ساس جنيه
|