الليل يظمى للصباح وبريقه
والصبح عيّا في عيوني يبيّن
كنّه يجدل لليالي طريقه
بوجهي اللي ما لقاله امزيّن
بين الظلام وغفوة الصبح ضبقه
لبى نداها عاشقين الهويّن
من لا يحس بماضي(ن) ما يطيقه
ما له بشير(ن) بيننا له يعيّن
من لا يسل السيف بسم الحقيقه
يغمد كفوفه فوق هاك اللسيّن
دقيت باب الحلم ودي افيقه
لقيت نومه نومت الخود ليّن
ما تجزعه لو دنست به رحيقه
من الف مثلي ما لقاله اعويّن
نطفة حروف(ن) في رحم هالعريقه
عساه تنجب كلمة(ن) له اتبيّن
خذ من سواد الطرس للصبح ريقه
يمكن سواده يجلي اللي يشيّن