هذه محاورة بيني وبين الشاعر مرشد الخمياسي
طلال:
بادي بصلي ع النبي ألف الصــــــلاه
عل وعسى نحضى بفيض شفاعته
مرشد ياخوتي ما سمعنا له صــداه
انشد عن احواله وعلومــــه وصحته
مرشد:
على النبي صلينا من حضر وبداه
محمد نبينا وفي قلبنا محبتـــــــه
خطك وصلنا وماعرفنا مبتغــــــــاه
الحمد لله مرشد زينه حالتــــــه
طلال :
الله الله ربنا العالي فسمــــــــــــاه
ينطق بدنا من جلود وعظمتــــــــه
ما انشدت عنك غير من زود الغلاه
انته الصــديق إلي تهمني صحبته
مرشد :
بين الثريا قدركم عـــــــــالي تراه
يأهل المعالي والزوم الثابتـــــــه
وطــــــلال دومه بين عمال وقضاه
ماحيـــــــده يخلفها اموره وعادته
طلال:
كم واحدا يمشي فهالدنيا بعمـــاه
حافي منتف مرتمي في غفلتــه
ومن مثلكم عاقل عن الزله حشاه
علمه ودينه مرتسم في حكمته
مرشد :
ياصاحبي هذا الزمن دارت رحاه
كلا كـــــذب كذبه وصدق كذبته
وروح زمانا ياعسى يرجع عساه
نشتاق شـــوفه من نباه وقصته
طلال:
راحو الاوادم والزمن باقي هــــــــواه
شمس وقمر في ذا الصباح وليلتـــه
من قسمة الله الأدمي ماشي كفاه
يطمع بزايد والذهب في حصتــــــــه
مرشد:
برقا سما فوق السماء شعشع لضــــاه
واستبشــــــــــرو الناس بهطول مخيلته
وظل المحل ميت محل ماشي سقاه
حتى الردي باع وشرى في ذمتـــــــه
طلال :
هذا البطل حقه بطل محد حمـــــاه
يحسن فشغله ويعلم الله بنيتــــــه
وإلي مسك عود ومسك لافت يداه
أعلى المناصب والوسام فدرجتـــه