" جمر الوله "
غنمت من جمر الوله فنجـان شعــري
لين أكتوتني النفس من طعــم المراره
هزيتلك كتف التعب من عقب صبري
وعلقت آهاتي على عــــــذق الخساره
ولعت قيفان الشعر من جــزل حبري
وطيف الوجع يرسـم علامات انتصاره
من يوم ما شفتِ القلب مختوم سري
وخليتِ اسمك فـــوق قائمه الصــداره
حبك بقى في داخلي حــولين يسري
يرسم خيـــــــــالاتي وعشقي باعتباره
انك زرعتي الود في أعماق صدري
وما شفتي قلـبي كيف يرسلك اشــاره
كنه القمر طـالع عليه فيوم حصـري
وتعم ف البيـــــداء تفاصيل الاناره
يا زينة الحلـــــوات ما عزيتِ قدري
وكنا نزيد العشق ونحصـــــــن جداره
نكتب عبارات وحكم في ود عذري
وننحت من حـــروفكِ معايير الجداره
من بعد ما كنتي معـــــايه شي يثري
صرتي مثل سلعه تمـــارس فـ التجاره
عفيت نفسي م العشق وحفرت قبري
يوم(ن) زرعنا الحـــب ما ذقنا ثماره
كفنت في جمر الوله تمثال شعري
لين اعتبرت الربح هو نفس الخساره