بعد غياب عن المنتدى قرابة الشهر
اعوووووود
تقبلوها علّها تشفع لللغياب
( هزي خصر )
هزي خصر ويطيح من عودك قصيد
يقراه عشاقي عقب طول الغياب
ما يشبع السامع سوى قول (ن ) جديد
لا حس بعض البوح يبري له مصاب
من عوقي البارح عرفتنّي شديد
واني قوي اقوى من فراق و عتاب
تاخذني الغيره وانا واحد عنيد
تحكمني اعرافي على فعل الصواب
تعبت افككني وانا من دون جيد
جيد الظروف اللي على حد الرقاب
وش جابرك يا وقت تمسيبي وحيد
هملتني مجروح و يقارع صعاب
وانا عزيل و دمعتي تشره بعيد
كني على ارضي و ناظر لي سحاب
ياللي فريت الحال وش باقي تزيد
شققت فيني و التعب رث الثياب
وش يحزنك يا هيه وانت اسمك سعيد
و غيرك رضى بأسمه و لو اسمه عذاب
يا حيلتي لو ما بقى لك من وريد
بزهم على ناس (ن ) يسموهم صحاب
اهل العزم و العز و الراي السديد
هم بالنوايب لابتي ناب الذياب
يا ثقلهن و احزاني اثقال الحديد
و يد الصبر قصّت و لا طالت سراب
هزي خصر عل و عسى اكتب قصيد
يرتاح له هالقلب و قطع هالغياب