يـانـاس بفـتـح محضرحـــــوار
وبطلب فصل دعوى عسنور
أحسنـت تربيتـه مـع صغـار
وانا عليــه محـافـــظ شهور
للقـنص جبته يكون فى الدار
خـارج أبـد مـايظـهـر يـدور
وكلتـه في بيـتــي على الفار
منـي نصيـحـه ليــه مبـرور
قــال القطـوفي لـيــل ونـهــار
ابشر تـراني لـيـك فحضور
الـفـار مـاعـندي لــه خيـا ر
آمــن تـراه الفـار محصـور
والـلـه لـو بيروح فى الغـار
لا زم أجيـبـه لـيــك منحور
خــل الحزن عنـك والأفكار
لا تنشغـل ع البيت منظور
لاكـن شرط واحـد لـي يدار
ســــم وقـفـاطه على الفــور
ماريد أشاهـدهن فى الأنظار
خوفي ع نفسـي أكون مقـبور
الحضر رفعـه وغض الأنظار
مهــل عليي وعطنــي الشــور
حقـنـا ســـوابـــــق ولـنـا آثــار
أجـــدادنــا فـي ذيـك لعصــور
قلـت لـــه تفضـل لـيـك لـشوار
مــاخــالـفـــــه أمـرك يسـنـور
قال لـي تطمن مـاشي أضرار
مـادمــت حـي الـفـار مقهـور
آمـن ومـنـي خــــذ اسـتـقـرار
وفى الـيــل بـات يلس لـقـدور
وقــام بعزيمه وأحضر الفار
وقال لــه تفظـل من هـنا دور
م الـيـوم هـذا لـيــــك لـخـيـار
وانــا فشــورك عـبـد مـامور
أمر وقـول لـي ويـش تخـتار
لا تخاف من هـمن ولاكدور
غـافــل ولـنـهــا شـاعـلـه نار
يوم جيت حق الغازمكسور
واشيـب راسي طحـت محتـار
وينـه الحرس لي كان مشهور
قـال الغلـط منـكـم لـذي صار
فى المشـكلــه هذه لـكــم دور
الـبـيــت خـلـيـتـوه نـثـــــــار
القــوت وايـد مـاشي قصـور
مـن ويـن مــابـيـي وبـنـــدار
خبز ولحــم والعيش مكثـور
هلـكيــف تـبغـانـي أكـل فــار
وبطنـي مكرش كلــه كسـور
ويـش القصـد قول لي يغـدار
مـاغـيـر قصدك راسي يدور
قـلـت صحيـح وصـدق مكار
عيـار قـولــك كـلــــه بــزور
ماتحيد يــوم تعق فى حضار
وتـداورت بــك كلـهــا نسور
مهــــل علـي شــوي بـنـدار
بتـشوف كيف أفعل يـمغرور
قـال لـي تـرا لاتزيـد أخبـار
مــاظـن وايــد دافــع مهــور
تـم الحوار وصار لـي صار
والغلــط مـامـنـــــه السنــور