[جمال الحكماني]

ابيات بسيطه أتمنى تنال إعجابكم

حلو فنجالي

قم يا نديمي وبشرني عن احوالك
القلب تألف هذي كل احوالي

قلبن يسوق المحبه لك ويبقالك
يا كبرها عقبك انت اشعاد يبقالي

عذبتني يالغلا واضن يحلالك
سنيين مرت تعذبني ويحلالي

تعبت أراقب نجوم الظهر وهلالك
أقول يمكن يطل ويحضن هلالي

مثل الشريحه وتبحث في ثراء أرسالك
يرجف خفوقي مثل ما يهز جوالي

بأنت نواياك يومً شدت رحالك
أقفيت عني ولا لاهنت مرسالي

مرسال خيرً يقول أني على بالك
وأسامحك لا طراء شكن على بالي

هجرت قلبن تشفقلك وسوالك
قصرن حلم يسكنه بو زيد لهلالي

بعت المحبه ولا قلبي تشكالك
أعدمت روح العشق يا حضرة الوالي

أصدرت حكمك ونفذته على حالك
أقصرت عنا كلام القيل والقالي

لا تحسب أني كتبت لكبرك وجالك
ترا الحقيقه مقامي عنك بالعالي

يا جعل بخت القدر ما يوم يصفالك
وتساق سوق الدبش في يد دلالي

محشوم راسن يهاذيبك ويوطالك
راسن وطى لغيري لابد يوم يوطالي

بكره تضيق الوسيعه وترجع لحالك
ما تذكر أني سقيتك حلو فنجالي

وسلامتكم جميع والسموحه