قصيدة اعتذار للإنقطاع بسبب الظروف أقدمها هنا وعسى أن تنال رضاكم...
كـل السحــب تمطر وقلبك ما مطر
غير الغياب اللي تحدى عودتـــك
بعدك رمـــى حالــي وقلبي ما ثمر
غير الجراح اللي تناست صورتك
لو كان لي قلبيـــن خذهـم للعمـــر
أعــلام روحــي نكستـها غيبــتـك
شمسك تلاشت واحرقتني والصبر
ما باقـي إلا هــم يبكي صحبــتك
هــذه منــاديــلك وبــاقـة والعطــــر
امسـح دموعي واستند بمخدتك
ليلي حضنّهْ الشوق عياه السهــــر
وأنت على مودك تداعـب راحــتك
الوقــت واقف فـي غيابك ما يمــر
إلا الدقـايق تنقضـي في ساعتك
ولهـــان وأوراقــي يغـــرقهـا الحبـــر
أكتب ولملــم دفتــري فـ حكايــتك
الشوق ذابحني وأنا صبـري انكسر
ما فارقت روحــي براءة ضحكــتك
هجرك كوى قلبي.. ووينه ذا العــذر؟
يمكن يجيك الشوق واسمع رجعتــك
تحياتي:
محمد أمبوسعيدي