[عبدالله الراسبي]

اسعد الله اوقاتكم بكل خير اليكم هذه المحاوره في فن التشحشح بيني وبين الشاعر القدير ابو ميحد الراسبي

قال ابو ميحد

بشاره وخبر يات المسيله ******

با تسقي اسْيوح وسهوبي ******* وبتعدْ كل عينن محيله

تروي شيار السمر نوبه ******** والغاف با تسوده ظليله

بيجيّلن ذيك العذاري ********** لخصورهن نحف ونحيله

شوفهن دوا من كل علّه ********** يبرنّها النّفس العليله

ثنتين لي يصنعن براجع ********** والثالثه تصنع يديله

لي خطّفن من قرب مسجد ********* يخلنّه امْطوع هبيله

يكفر برب العرش نوبه *********** يقبل هبل ربّه بديله

والخاتمه ي الرّب طلبه ***** هات السّعد والنّحس شيله


قال عبدالله الراسبي

بسكن وحد شرقي الغليله ******

فزّيت من نومي وصحّيت ****** مستنزله فوقي الحليله

لي يعبد الرّب ورسوله ********* درب العدل لا ما يعيله

الله يعينك ي ابو ميحد ********** تبكي وعبراتك هميله

امبونهن فدوى العذاري ****** لي يشوفهن روحه قتيله

بالحل يا قايد زمامك ******** من هالسّحب نزلت مخيله

قيس الملوّح في زمانه ******** ما يوم تهني بنوم ليله

ايزى يهوّم في السّيوحي ****** ما يفنّده الوقت ومجيله

من عشقْ ليلى العامريه ******** عنده القلب ضيّع دليله

لو خيّروكم في دواكم ********** هنه برا القلب وشعيله

الرّيم في وصفه تملّك ******** ما ريتوا في الدنيا مثيله

واللي ابْتلي في حب الاغياد *** يصبر على الهّم وعميله

والخاتمه وقت المغاريب ****** يتمخطرن فضّه وجليله


وتقبلوا تحياتي