السلام عليكم أحبتي
عذرا على الغياب الذي طال قليلا
ولكن أتمنى الحضور بما يعذر غيابي
ما يرقى للذائقة
ليه في بعض المواقف تنكتـب لحظـة خلـود
وليه بعض المفـردات اْتقـول لـي .. هـذا فـلان
من عرفت الطيب وأنـا ماقرونـي فالوجـود
يــا تطيّـرنـي السـعـادة ، يــا يغيّبـنـي الـزمـان
ليتني في هالدهر مخلوق وأحساسي جمـود
مـا تزحزحنـي المشاعـر مـن دهالـيـز الأمــان
نعمـة النسيـان نعمـة ، ليتهـا فينـي تـجـود
ياهـي الذكـرى مريـرة ، لأرتـبـط فيـهـا مـكـان
كلـمـا مـريـت ،، وعيـونـي تقرّيـنـي الـعـهـود
نبّهـت فـي داخلـي ذكـرىً لـهـا وجــه ولـسـان
تقصر الانفاس ، وتضيع المقاصـد والوعـود
يُستثـار الشـوق ، ودمـوع المشاعـر ترجمـان
وان بغيـت أنـام ، تلفينـي المشاهـد والـردود
تعصر احساسي بذكراهـا ، إلـى صـوت الأذان
كن هي ذيك الأسرّة من صقايف من لحـود
تزعـج البنـدوم ميّـت ، كيـف محـروم الحـنـان
ليت هو فالعشق يُكتـب لـك مواثيـق وبنـود
عـالأقل هـي تنصـف الوافـي إذا شـفّ الـوزان
كنت نور وكنت غيث وكنـت للاهـوب نـود
وكان أسمـي يبتـدا بـه لـو طـروا شعـر وبيـان
علّمتنـي غربـتـي ، مــا كــلّ فالدنـيـا ودود
مَزرعٍ يحصده غيري ، غلّتـه لـو زعفـران...
وش يكلّفني أعمْره ، ليه أحرْسـه بالجنـود
مـا يفيـد النصـح ، مـن عيّـد فظهـره خيـزران
من يمد أيـده محبّـه ، أحضنـه وبـلا حـدود
ومن زرع فيني المهانة ، بحصدة فوق الهوان
بحت سرّه يوم سرّه ، هدّنـي عظـم وجلـود
كـان مـاودّي ولكـن ، لِـ أرتضـى بـالـذل هــان
وإن حسبتوها خيانه فعلتي ، هاتوا الشهود
يقسموا له لو يشوفوا قسم ، حـقٍ مـن ضمـان
هذا ،،،، وأتمنى لقائنا متجدد معاكم دائما
وعسى الظرووف ماتعيقنا على الوصل والحضور
تحياااااتي لكم