[خليفة الصائغ]

تنتج معاميل الشعر صوت خلخال
..........وتشب في صدري جبال الحـزاوي


حد ِ يصوم الشهر مع طلعت هلال
..........وحد ِ عـ طول اليوم يسمع غناوي


يا مهوبر الإحساس صاحبك ميـال
..........تضرب على الأوتار تسمـع هقاوي


تنسج تفاصيل الصدق عقد سلسال
..........وتشدها دائم جمــــــــال الحكاوي


وتصنع معايير الحقـد كومة أنذال
..........وتزيد في الدنيا كبار الشقــــــاوي


والآدمي يرجع إلى الأصل صلصال
..........متحمـــــــل (ن) قلبه كثير البلاوي


في دفتره يجمع حســابات وأموال
..........وكم جاهل ِ يسلك دروب الخطاوي


وريح البخل تزمر على الكل موال
..........وترمي صفات الجود وسط المهاوي


ما كل من يركب على الخيـــل خيال
..........كم واحد ِ قبله على الأرض هــــاوي


هي صورة ِطلعت على هيئه رجـال
..........تفقد من الأخـــــــلاق جزل النخاوي


ويديه تبكي من سبب بخس الأفعال
..........يصدر من الإحساس غمض الحزاوي


تنتج معاميل الشعر صـوت خلخال
..........وتشب في صدري جبــــــال الهقاوي