[احمد المعمري]

النجااااااااح

الفشــل ما هــو من اســباب النجــاح
هذا انا كـــم لي فشــلت وما نجــحت

لو يحــس الجارح بعمــق الجــــراح
كان فكر قبلها بمعنى ( جــــــرحت )

شوفني مثل المــــطر ل اقبل وطـــاح
رغم قسوة طيحـــــتي لجلك فــرحت

جيتــك بنفســـي ولا بيــــدي ســـلاح
ويا كبرها ان قيل للـرجال ( صحت )

غيبــــتك تذبح ولو كــــــانت مـــزاح
ليتك ل قلـــبي قبل هجــــرك ذبـــحت

وليت عطـــرك يــــوم مريتك وفــــاح
اسبقتـــني الريح لاحضـــانه ورحـت

ما بقــــالي غيــــر امــال الصـــــباح
وما بقـــالك غيـــر دمــعي لو طمحت

في يدي عزمي وب أحلامي ( صلاح )
وغير ( قدسك ) يشهد الله ما فتـــحت

ويـــوم بان الحـــزن في عيـــنك ولاح
لاحـــت دمـــوعي علـــى خدي وصحت

(لا تقــــول) الجـــرح يمحـــيه السماح
ما تـروح اثـــار جـــرحك لا جــرحت

هـــذا أنا كلــــــي لأيــــامــك كفــــاح
لا تخيـــب ظــن ( احمد ) لو سمحت

انشــــراح الصـــــدر من بعد الجراح
تهـــدمه ذكرى اللــــيالي وان فـرحت

مدري عيــبك سقــتني عكس الرياح
ولا عيبي عكـــسها بحلــمي سبــحت

بس مقيــــــولة مــــدام العــــمر راح
وش يفيـــد ان همت باحزانك وطحت

اقتنـــع ب ان الفشـــل ســـبة نجـــاح
دامك ب هـــمك وب احزانك نجــحت