[أسعد المحرزي]

المشاركة الأصلية كتبت بواسطة هيثم العيسائي

هلا أسعد


عاد قلنا نكذب بس مو كذا (( السافة فيها أسد مره وحده ))


على العموم
كان يا ما كان هناك رجل يدعاء أسعد شديد الخوف عندما يخرج من البيت وكان لديه أخ يدعى سالم الريسي كان سالم رجل المواقف الصعبه (( ما شي منه )) وأنا هيثم إبن جارهم .
كان يطلب من أسعد الذهاب إلى الدكان لشراء بعض الأغراض وكان يأتي مسرعا إلى الدكان وبعدها مسرعا إلى البيت ونحن نضحك عليه , يخبرني أخيه سالم أنه عندما يحين وقت الغداء يتعارك سالم مع أسعد وتكون الغلبه لسالم فيأكل الغداء وأسعد يجلس يطالعه (( يا أسعد من يومك بغام )) المهم سالفة الأسد كنا نخبر أسعد عن الأسد وكان يخاف كثيرا , طبعا سالم خبر أهله بأن أسعد أنضرب من المدرس لما ضحك في الفصل ومسكين أسعد حصل ضرب في البيت من أهله عاد ما أخبركم أنا جارهم وكنت أسمع كل حاجه من بيتهم وسالم ثرثار ما يخبي علي , قلنا شو نسوي بأسعد نريد نطلعه من حالة الخوف الذي يعيش فيها , طبعا موسم الرطب والخراف و الجداد , قلنا لأسعد نروح نتمشى في النخيل قال خلا وروحنا قلنا بنسوي فيه مقلب ولبست أنا قناع الأسد وطلعة لأسعد ومات أسعد من الخوف وصاح الركض في النخيل وحصلنا أسعد من كثر الخوف طالع نخله وجالس يبكي فوقها وخبرناه نحن قتلنا الأسد ولأسف كان غير من غير المتوقع بأن يكون أسعد لا يعرف النزول من على النخيل وجلس هناك ونحن نضحك عليه (( ما قلتلكم أسعد بغام من يوم يومه ))




سؤال إلي بعدي :

أحكي لنا موقع مر في حياتك وتمنيت أنه يرجع مرة أخرى ؟

عزيزي ما تسوي خربطيشن ... هاذي المعبيلة ما سمائل.. المعبيلة مشهورة بأشجار السمر وأشجار السمر ثم أشجار السمر.. أما بالنسبة للحياة الطبيعية .. تشتهر بالكلاب والسنانير والفئران القطبية .. والغراب المكحل.. والحقم اللي أول ما تشوف أدمي من مسير يوم تدقها شردة.

أما قصة الأسد الواردة عنك فهي من الإسرائيليات .. والحقيقة بأنك ساير تدور بالكورولا في المعبيلة بالليل وفيك نواد .. وسالم الريسي جنبك يشوخر ... وإلا يطلع لك سنور مضبع في الشارع ضارب فول ليت .. شاحت السيارة يمين وشمال بعدين رجعت وراء شوية وقامت تقطع وتنتفض وتهز كتوفها لحد ما طش سالم يقول هيش فيك لوعتني يا هيثم من الشواحة ... طلع هيثم مبققق عيونه ..: سالم أعتقد بأني دعمت أسد لونه أخضر ولابس نظارة شمسية ويدوخ شيشة. ومن يومها منعوا الزموته من السوق.

يوم تريد تشلخ .. تعال عندي أعطيك دورة !! هههههههه