قســـــــــــاوي الحـــــــــظ
أنا يا ناس بي ضيقٍ تعب هــــالصدر من جهدّه
يــــــلّج الحـــــزن في قلبي نسيجٍ يغزله بجروح
سمعت البـــارحه همْـــــسٍ يجـــر اللوم ويشدّه
ونـ أدري ساعتي ضاقت وأراهن للمكان صروح
يـ كم مدري وأنــا حظـــــي كتبته بعـالمي سعده
جمعت النــور في دربــه وكابرت السواد يزوح
أعـــد الليل لنجـــــومه وأظنّــه وافي بـــــوعده
يشــرّبني ألم حــظٍ حسبت أنه يجي ويـــــروح
تجف الأرض ليش أنــــه مطــــرها قاطعه مده
وأنــا حظي يقــــاطعني على شطّ الحزن مذبوح
الأ يـــا نـــاس بس لحظه كفيف وخـــانني عهده
يقــوّدني على دربه فقير ومُنهك و مكســـــوح
صَفْت أرقـــــــام هالحسبه وأزيّد نـــاتجي بعدّه
وناتج حسبتي صارت وَهَـــمْ أرقامها مطروح
تحـــاربني معانـــاته ويقتل شَفْـــقتي ســـــهدّه
وأقــــول أنه طفل بدري أســـامح والعذر مسموح
أَضـم الهم في صدري وأفـــك لشفـــــرته عقده
أخفّـف من ضمى صدّه ضجيجٍ يتعبــــه بالنوح
ضحك هالصبر في وجهي يصفق والحــزن ضدّه
ويسفـــك كل أحـــلامي وناره في حشـــايا تجوح
يـــ حظي لــو تجــــافيني لذيذ النوم فــي صـــدّه
ولا داعي تكــذّبني على القِسْمَـــات والمــــربوح
كفــــاني ضاع من عُمري أقلّـــب شـــوكتي ورده
زهــــق حلمي من الدنيا تبعثرني قســــاوي جموح
حســـــافه وكل مـــا جيته يعـــاتبني وأنــــا عنده
يقـــول الحــظ يـــا صاحِ أبَـلْعَبْ واللعب مفتوح
ريــاضي والفـــــلا صدرك وليف اَلْهَمْ لك ودّه
وأنــا هَمّــي من الــدنيا أبقتل كـــل نفس وروح
يقظـــان الشهيمي
*دروب المنايــــــا*