السلام عليكم ورحمة وبركاته
انا شاعر مبتدي وعندي خربشات عسى ان تنال على اعجابكم
يابوعلي صبري على الشر قد طاش @ ولا عادلي ع الظلم نفسن شفوقه
عييت كم طول الأمل منه بعتاش@ والليل داجي ماحصلي شروقه
كم ليلة ن بصبر على ظلم خفاش @والصبر ينفد لاتكاثر فتوقه
ياهيه حتى ظلمكم طال ل وباش @ وين العداله اللي تبجح شدوقه
ياهيه عمرن مر منكم على ماش@ وضاعت هقاوي اللي هقا في سبوقه
ياهيه لا سهمن من الكف قد راش@ غيره صماكم والمنايا تسوقه
ياكيف ننسى والعشا صار فشفاش@ وحسرة فقيرن يحرق الدمع موقه
وياكيف ننسى وطفلنا وسط ل نعاش@ مابه مرض الجوع يبّس عروقه
وياكيف ننسى وقاضي العدل ينحاش@عن ذا الفقير اللي يطالب حقوقه
نبطي نموت تأكدو عقبنا عاش @ ناسن تصافق بالمكابر طروقه
يكفي جثيتوا داخل الصدر والجاش @ ولاعاد نحمل ضيمكم او نروقه
يامل فكري كلما قلت شوباش @ يذكر مظالمكم وقامت تعوقه
يذكر صبايامن على الكوم تعتاش@ جار الزمان بعيشهن مع حنوقه
يجثن بلا سترة ولاظل وفراش @ منظر رعبني وناظريكم تروقه
ياليت اشغل عسكري وفوق رشاش@ ولا بكتيبه للمنافق لحوقه
لعيونها برمي ولو دون طرباش @ ويدري المعادي انني سم عوقه
مايهم خلوني على شجاج ومشاش@وبمشي الحدود وكل حدن بطوقه
يكفي اخبركم ابا شغل فراشّ@ وهدوم تسترني وابا شوي روقه
وكني بزودها ابا دخل ومعاش@ والنفس ماتخلى ابد من نهوقه
اثر الطمع يعمي وهوى النفس يهتاش@ رزق الفقير اللي تعبله خفوقه
حنا كدحنا لين ماراسنا شاش @ وكلن ترجى لين حصل عقوقه
شوفوا العمى بعيونكم هرم نعتاش@ حتى البديوي مايعشّيه نوقه
أدري يبونا نشغل العمر خشخاش@ ويقضوا على من كان نفسه خلوقه
وف عيون خلق الله يصيرو شرا الباش@ وادري بنظرتكم تروا الكل سوقه
دام الامانة موكلّه ايدين مرتاش @ خله ينام اللي مسّهر حدوقه
والناس صارت تتبع النذل وللاش@ لا كثرت فلوس الربا وسط بوقه
ويحز صدري لاغدى اللص والواش@ يهدي (الربيع)اللي نخايل بروقه
لكن يشعري بلغ القوم مطراش @ قابوس يعدل والمناعير طوقه
قابوس دونه ندفع الروح بالكاش@ وترب الوطن ننثر شذا الدم فوقه
اي انتقاد مقبول بالمعقول