صباح الخير/ مساء الخير...
أود أن أضع أمامكم أحد النصوص أتمنى أن تنال إعجابكم وان تليق بذائقتكم...
تبــــــي تســــــأل ؟
هلا..تبي تســــــأل؟تفضل وأسمع المظلوم
هشاشه قلب لو جيتي وقلتي اليوم فــــارقتك
أنــــا سنتين بغيابك ودمــعي بالأسى ملزوم
وأنتي بس كثرتي تقولي الصبر آخــــــرتك؟!
هـــــلا والله وقلتيها وأنا ســــــاهر بلـيـا نوم
وأنتي براحه فراشك يقول الحلم عـــــاذرتك
صدق واللـــه تــأخرتي وكثرتي العواذل لوم
دروب الموت لي سقتي على شارع مزاحمتك
شرف يا حبنـا العذري بلا كأسات خمر كروم
وعف حروف ترشفها وترقص بين خاصرتك
كثر أنــا أتــولع بك ،أنــا صادق وأنــا مغروم
أقول إنك تبي ترجع وعزه نفس ســـــاحرتك
دخيل الله كم عــــاشق يصبرني وأنا مهموم
و أقول أقدار لو كانت تبيــــها الموت هاجرتك
يقولون العشق بلوى وقلت بخاطري كم يوم؟
عليها مــا تــوقعنا وكيف البـــــنت حــــاقرتك
يداهمني الحزن كــنه شظــايا حارقه وتحوم
وتطلق نارها بصدري وتنعشها مــــــداهمتك
فطر صدك وأنا حزني جبرته للزمــان يصوم
وعمري حول ما كمّل وقلتي بس فــــاطمتك
وأنا يا كاغدي والحبر في غيرك غدى ملجوم
وبرواز العشق لطفك تكسّر من مشــاجرتك
كثرها إبريز أحــــلامك تسلّي خـاطرك بالنوم
وأنا ريماس تخنقني هواجسها مطــــــاردتك
على أوتــارها حــــــزني يغني للقتل معدوم
وعلى أصدق مشاعرها تكذبني مقـــــامرتك
أحاول أغلق عيوني ويسبق غمضتي جــاثوم
وتــــــابوتٍ يشيّعني على أكتاف طــــارقتك
تبي تســــــأل؟ خلاص أسأل وأنا المظلــوم
وأحاول أخفي الآلآمي إذا كثرت أســـــــألتك
تحيــاتي / يقظـــان الشهيمي