[سالم الريسي]

المشاركة الأصلية كتبت بواسطة أنور العلوي

كثر الأمل فيني بنالك أماني
وانا نسيت ان القدر موب يدايا

غيرك تمنى يبقى بالحب فانــي
وانته تخيرت السفر للثرايــا

ناس ٍ تطالب بالمحبة ثوانــــــي
وحبك لغدري بارع ٍ ما تعايـا

لا تــحسب انــي بالهجر مو معاني
قلبي تقطــع وانت مانك معايـا

جرّحت روحي ورحت مع حد ثاني
ونسيت ذكرى ساكنه في الحنايا

يكفي عذاب ويكفي منك ماجــاني
حزن تمنيته بحيـــاتك بلايــــــا

سافر بعيد وخلك بقلب انانــــي
هاوي جروح اللـي وفا يا رجايا

وان كان غرك صورتك والمعاني
دهرك قضا ما فيك صورة تهايـــا

هذا جزاك الوقت عنك جــــزاني
حب ٍ طويته في صورك وهدايـــا

ياهي حسايف طلقة اللي رمـــاني
صوّب خطاني خلى فيني بقايـــــــا

هذيك لعبـــة قد لعبها زمانـــي
والخــــاسر تعـــذب حيـــاته زوايا

وان كانت حروفي سبب ما سطـاني
بلغ سلامي والعذر والتحايــــا !!




ما فيك صورة .. تهايا !!

مافي كلام بيض الله وجهك يا أنور

أنت

شاعر

ولك

أسلوبك المميز

الجميل

الشفاف

لك كل الود سالم