سُكْــــوُنْ الليــــل
يـــــا سُكْوُنْ الليل ودي أنقض أحـلام الصباح
وأترك الأوهـــــام تحكي كل حــرف بقصتي
الفرح فيني تغيِّــر وصارت الضحكه جـــــراح
ويـــــا سكون الليل لـــذه هــــالفراق بغصتي
كانت أحــلام الطفوله تلبس إبريز الوشـــــاح
لين صـــــار الحزن فينا حـــــاقدٍ يــا مُهْجِتي
الصراحه مـــــا بقى لي غير الآلامٍ جمـــــاح
جـــــآتني في عُتم ليــــلٍ مُوْحِشٍ بـــه ظُلمتي
مــا لقيت الإ صدود يغرس بصدري رمـــــاح
والكــــلام اللي لقيته عـــــاصفه فـــي محنتي
أختفى همس الأغاني وأختفى طبع السمـــاح
وأبتدى وقت الخيـــــانه وأنطفت لــي شمعتي
ليتها بس كـــان تدري كيف أتعبني الكفـــــاح
وكيف كنت أخفي شعوري وأحمله فـي كفتي
وكيف كلما جيت أطلق له قيودي بالســـــراح
يــوقف بعتبه كـــــلامه لين يطـــــرق عتبتي
النـــــداء كلما أجي له رد في وجهي صيـــاح
والرجــــاء كل ما سعيته زاد فيني لـــــوعتي
ليت كل اللـي سمعته كان من باب المـــــزاح
وليت كل العُمر وَقّف يـــــوم قرر غُـــــربتي
سَـــــلّ سيف الغدر كنّه حُرمه الهجر إستباح
يـا صروف الوقت كيف اليوم هانت عشرتي؟
والغريب إنك تقولــــي حبك لقلبي إجتيـــــاح
أنبجس ضيم الآمـــــاني وأكشفت لي غميتي
ولــو يدور العمر مره أشهر بوجهك ســـــلاح
وأكتب إحســـــاسك يبيني لكن أطهــر عفتي
كثره التبريـــح فيني عقمت عضل الجـــــراح
وإستفـــــاق القلب نـــــومه من قفلها كبــــوتي
يــــ سكون الليل ودي أنقض أحلام الصبـــاح
وأترك الأوهـــــام تحكي كل حــرف بقصتي
يقظـــان الشهيمي