" الكحّة " .... الشاعر : راشد مبارك الهنداسي
" الكحّة "
الشاعر : راشد مبارك الهنداسي
2012-09-30
جيت الطبيب الي يعالج دايما بالكاش
اهلا طبيب , اليوم اشعر فاقد الصحّة
بتشوفني صاحي , وانا كنّي بعد ما ناش
ارجوك طمني وحطّ ف بطني الجحّة
افحص على صدري , احسّ ف داخلي خرخاش
مدري اذا تقدر تراني......" احّه " و " احّه "
طيب , بسيطة حالتك تاخذ معاك الشاش
جسمك ي راشد صابته اعراض هالكحّة
عن جد !! يا دكتور " حط الشاش عالمكراش " ؟!
آبسالك , شايف يديني بيض او محّه ؟!
دكتور يا سكران ما صاحي و حشاش
لا طب لا حاجة , بخيل المال والشحّة
هذا زمان الكاش والطاش والماطاش
ماحد يفرّق لدغة الثعبان من فحّه
ابختصر طبّك , واباك تروح تاكل ماش
ما شوف جدامي سوا فنجانك و سحّه
آنا سهرت اذكر حبيبي غرفة الانعاش
ماتت على صدري , وصابت صوتي البحّة
مادام طبّك ذا , انا ما بيه لو ببلاش
ادري كذا برجع تراني .... " احّه " و " احّه "
التعديل الأخير تم بواسطة راشد الهنداسي ; 30-09-2012 الساعة 04:56 PM
|