مسائكم شعر ..
مصافحه اولى اتمنى ان تنال اعجابكم ..
يا هو ألم .. يجتاح قلبك وينهيك
لامن تحس الناس فدوة حياتك ..
الود لو هو ودها ما تخليك
وتعيش لحظه مْن العمر بـ امنياتك ..
تهيم في ضحكك واذا عفت ترضيك..
ومعنى الشعر في ترجمتها[حلاتك]
كلما اتّبسم تدعي الرب يحميك..
من عين حسادك,,وتعشق صفاتك
حتى جنونك في نظرها يحليك ..
واتحبك اكثر لاغفت ناعساتك
وانته خفوقك ماخطر له يواسيك
او يرحمك مره ويكسر ثباتك ..
ويعلمك تنسى حبيبٍ مجافيك ..
رغم ان قلبه مابه الا غلاتك
يا أجمل احلامي, دموعي تناديك ..
ماقد تمنيت اللقا في سباتك؟!
ما قد شعرت بعزتي يوم ترجيك ..
تبطّل غياب وتحقق مناتك
ولا طرت لك حرقتي لا امدحو فيك ..
من غيرةٍ غصبٍ على الجرح جاتك
ان فكرت مره وش سواة طاريك ..
فيني , ماكانت فرقتي هي سواتك
شفني كسيره والمس الجرح وآجيك..
واسال عن احوال الهوى باغنياتك
وان ماتهزك صرختي "حيل ابغيك" ..
شف حال دمعي لا تمنى لقاتك
لو بسّ اعز غيرك كثر ماني اغليك ..
ما كان صارت دنيتي [ ذكرياتك ]
ليت ايعشق غيرك قليبي ويرميك ..
اهون من هيامي بلحظة قساتك
بكره بتذكر خافقٍ دوم يطريك ..
لا جا شعوري يعتب: "الوقت فاتك"
ولامن يلومونك على موت غاليك..
واحساسي يهدي الدمع واعبراتك
و ايوصّل لقلبك سلامي ويعطيك ..
حبٍ كبير مابعينه شراتك
ويقول لك: ما جا حبيبك يدوايك ..
جا يعلن {ان خانتك مره شفاتك
وحسيت حبك ماتكفيه ,افديك, ..
قدّم هديه لجل عينه (ممــاتـــك) } ..!!
احساس طفلة