غريب الدار
غريب الـــــــدار ومناي التسلي
أسلي خــــــاطري عن حب خلي
سمعت الشور من قاصر معرفه
يحسب البعد عـــــن داره يسلي
أسافــــــــر عنه من ديره لديره
عساي أسلــاه لكن ماحصل لي
اهوجس فيه وانسى انّي نسيته
وأفكر فـــــي ليال قــد مضن لي
أنـــــا لاجيت ابانساه التوى بي
خيــالـــه وأنهمر دمعـــي يهـلي
وأشوفـــه واقف من دون دمعي
حبيب القلب فــــــي عيني يهلي
دعانـــــــــي ياغريب الدار عود
تـــــــــرى مالك محل إلا محلي
مكانــــــك في عيوني ياعيوني
وقلبي من غرامـــــك مــايملي
خالد الفيصل