[عبدالله الراسبي]

اسعد الله اوقاتكم بكل خير اخواني الاعزاء اليكم هذه القصيده الرائعه
للشاعره القديره غلا ابوظبي


انتظرتك يوم ترجع تفتكر وتمر بابي *************** ع الشّبابيك القديمه انتظرتك يالحنين

كنت امنّي بك عيوني رمشها م البعد شابي ****** كنت اقول اليوم يرجع ينشل القلب الدفين

انتظرتك كل عمري ما حسبت انك عذابي ****** حتى وانت بعيد عني مرخصن لك الف عين

انتظرتك شمس باكر تحتظن زهرة شبابي ******** قلب دافي احتمي به عن متاهات السنين

لو تحس بموت روحي لو تحس بكل ما بي **** ما قدرت في يوم تكسر فرحة القلب الحزين

ما بقى لي من حياتي غير سطرن في كتابي ****** دمعتين وقلب شايب ما لقى له من يعين

انتظرتك في غيابك انتقيت اجمل ثيابي ********* بالعطر والكحل الاثمد انتظرتك وانت وين

كل عام اقول باكر يقترب ويدق بابي ************** ما دريت انك سرابن ميّتن فيك الحنين


وتقبلوا تحياتي