حب يعرفني وأنا كلي شغوف
انظر عيونه تسابق في غلاه
لين شفته حرك بقلبي حروف
صغتها أشعار ترسم مستواه
اصفقت كفي على كفه بخوف
وارتعش صدري من محيا الشفاه
ما عرف نقش اليدين إلا الكفوف
يوم شاب الطفل من طاري حلاه
ع المحبه روف يالمحبوب روف
لا تعذب قلب عارف مبتغـــــــاه
لو تكون الشمس في حالة كسوف
نور خدك يكسي الكون الحياه
ما تعرف إني على شوفك لهوف؟
اسألك بالله أيش اللي تباه ؟
لي شعر راسك تمايل ع الكتوف
داعبه ذعذاع من نسمة هواه
يا نسايم هبي ع ديار الهنوف
الهنوف اللي بيسعدني رضاه
وأبلغيه إني على شوفه شغوف
لو اجوب الكون ما بلقى شراه