القصيده تقول:
الله يجازي من يسوي سواتك
وبذنوب من سوى سواتك يجازيك
مشيت درب الثقل وتحب ذاتك
ما تدري انه للمهالك يوديك
غرك جمالك يا خسارة حلاتك
ما تدري إن ما غير طبعك يحليك
بتقول زينك يشفع لسيآتك
الحسن ما هو عن وفا الحب يعفيك
لو التواضع والوفا من سماتك
بعت الحبايب كلهم دين وأشريك
لكن عجزت أغيرك يا جراتك
على الغياب إلي بلا عذر ينجيك
خطاي في توضيح وش هي غلاتك
خطاك في توضيح وشهو تغليك
وشلون توصيني وتنسى وصاتك؟؟
وتصد عن صوت(ن)تقطع يناديك
ما فاتك التجريح والعذر فاتك
وتبغي الراي ألحين ما عاد ينجيك
صحيح أحبك بس هذي جزاتك
بعلمك درس(ن)يفيدك ويحييك
تدري وش أبيض من خفوقك ؟؟عباتك
وتدري وش إلي غرني ؟؟نظرتي فيك
أدري بتستغرب !!تصبر وجاتك
قصيدت(ن)من واحد(ن)كااااان يبغيك
|