قصيدة رثاء في فقيد قبيلة بنو عيسى
الشيخ محمد بن ناصر العيسائي
رحمه الله وأسكنه فسيح جناته
يا ليل خذ من جرحي اليوم ما شـــيت
وعطني صباحٍ فيه ألقى الســـــعاده
يا ليل كـــــانت في فؤادي تناهيت
كلمــا أندمل جرحٍ عناء الوقت زاده
يا دهر يا مفني الرجــــــــال المثابيت
خذيت منا من تعــــــــــــــزه بلاده
شــــــــيخٍ بناء أهله قبل يبني البيت
لين أصبح أهلــــــــه من رقاة الرياده
يبكيك ســـهل وبيد ما عاد ياليت
تنفع عقب رمز الوفاء والســـــــياده
وتبكيــــــــك دارٍ في رباها تربيت
وطبــــع الوفاء لك في هل الدار عاده
غصـة فراق تزورني كل ما صحيت
وأرضٍ تعيـــــش أيام حزن ونكاده
يا البين وش حـــــدك علينا تجريت
تقتل فرحنـــــــــــــا دون أية إفاده
خيّم سكون الصمت ع النفس وأمسيت
أجمــــــع تعازيها بعــــــــزم وإراده
بين الضلوع العـــوج يا الحزن حليت
تجني الفرح من قبل موســــم حصاده
يا فخر بن عيس بك النفـــس عزيت
والفخر يتركْه الشــــــهم في ولاده
ناصر وعامــــــر لي بهم طيب لاقيت
وأحمد مع أخوانه أســـتحقوا الإشاده
يا الله مـــــــا غيرك طلبت وترجيت
الشــــــــيخ بجنانك تحّفه السعاده
محمـــد ولد ناصر ولد عالي الصيت
مرحــــــــــــوم من ربٍ رحيم بعباده