[عوده النادلي]

مادام ناسن تعرف النقص والزود=عفنا الهجا ويّا التفاخر باالأنساب
ومادام راحت بين سيِّد ومسيود=وصار الذنب يلتف يبغى لهَ أشناب
عفنا الديار اللي بها كامل الفود=مادام ينصحها من القول الأذناب
ولاني بما كل من ذبايح بها الدود=حتى ولو أعلن عكوفي بمحراب
سج القدم مابين فاتح ومسدود=حتى يبيِّن لك من البعد مشراب
مشراب عزِّن باالشحم عامر الجود=يونس دفا نيرانهم كلّ الأغراب
هذا الزمن لا مال ميلات نمرود=شيّب براسن لاتشبب ولاشاب
عزّي لمن ظهره من الحمل مهدود=لامال حمله لاشكى قلّ الأسباب
أسباب شحّت والحلا شبه مجرود=كنِّي مطوِّع حاصروني بالأرهاب
لابد من خيرن ولا هو بمعدود=يقبل من اللي نورهم سعد الألباب
وان كان ربك قالها قبر مشهود=مالي على الأموات غربه بتنعاب
وسبحان ربِّن قدّر الكون بحدود=وصلوا على أحمد نبيّه يالأحباب