تعبت أردد في شفاتي الأسئلــــة
ودي إنتفارق ياهواي بلاســؤال
جرحك كبير وما قدرت أتحملــه
تكفى عشاني ما حتمل كلمة تعال
طفل أنا في داخلك بـــــس دللــه
توه صغير ما عرف وش هو الـدلال
درب مشيته كيف بس أكملــــــه
تتبعثر أشواكك على دربي خصـال
لالا أتأسف وشمع غيري تشعلـــه
ببقى أنا في شمس أيامك ظــــــــلال
ولالا تقول طفلي أنا اشتقتلــــــه
طفلك ضحية بين أحضان الرمـــال
ياما ذرف دمعه عليك وهملــــــه
يا ما ضحك لجلك وحرمته الوصـال
تدري أصعب شي صرت أتخيلـــه
إني أعيش العمر فعيونك خيــــــــال
وتدري غرامك داخلي لو أقتلــــه
تضحك لك عروقي وتنهي الاحتـــلال
لكن بقولك شي بس تتحملـــــــــه
احذر شفاتك تنطق بإسمي تعـــــــــال