[عامرالناعبي]

أعزائي اعضاء وضيوف هذا الصرح العزيز
هذه القصيدة للشاعر إبن هليّل
راقت لي وحبيت أبرزها لكم

لا تـذبـح القـلـب بالهـجـران والـصـدّة
القـلـب مــا يحتـمـل بـعـدك وهجـرانـك

الشـوق واصـل بروحـي يالغـلا حـدّه
ودي بليلة عمـري تدفينـي باحضانـك

الوجد ينحت ضلوعـي لا بعـث جـدّه
أساهر الليل من شأنـه ومـن شأنـك

يا شوق روحي عليك الروح منحدّه
ملكـتـنـي بـالـهــوى يـاقـاهــر أقــرانــك

لكـن مـا شـفـت مــن عيـنـك ولا لــدّه
متى تكحـل عيونـي شوفـة أعيانـك؟

النفس صارت عن الزينـات منسـدّه
والقلب ملهوف يرجي مـدة إحسانـك

وشلون ترضى على مغليـك بالشـدّه
لا صــار هــذا جــزاك بخـيـر خـلانــك

عــز الله إن الأمـانــي حـتــم مـنـهـدّه
لن صار جودك كلام حدوده لسانـك

ماني بصاير غني مـن هـذي المـدّه
لـو تحلـف بربنـا مـا أصـدق أيمانـك

لـكــن قلبٍ(ن)عـطـيـتـك بـالـحـيـا ردّه
ما عاد أنا محتمل زودك ونقصانـك

لا تـذبـح القـلـب بالهـجـران والـصـدّة
القـلـب مــا يحتـمـل بـعـدك وهجـرانـك