صحيت الحين ياتركي
تعلى ف السما نجمك وضيك بدد الديجور
سلام الله ياتركي عليك ويقصد الديره
ياولف(ن) طار بجناحه ورفرف بين سرب طيور
أنشودة سلام(ن) عذب جميلن في تعابيره
أنا يامن سأل عني بريق الحلم والبلور
رهنت العمر في كفة وكفة غلطة صغيره
تعلمت بحياتي درس وجروحي كانت الطبشور
ف سبورة شقاوة عمر روح وإنثنى سيره
أشوف الموقف المبكي قلبي يشبه العصفور
تصيده وتذبحه بنت(ن) وتتباهى بتدميره
وأنا ياتركي لي حلمن عفيف وطاهر ومستور
إنكسر ذاك الحلم لما مل ينطر تصاويره
حقيقه إن الأماني وحش تجرفك في ظلام بحور
حسافة عمرن إتقضى بعشق ضاع تدبيره
صحيت الحين ياتركي متأخر وقلبي بور
خرايب من فعل ناسن ماتحسن أبد جيره
صحيت ومالقيت إلا حولي كذبة الشحرور
سافر ومارجع حتى يطمني ع تقصيره
أمانة يارفات الحلم لاتشره علي وتثور
حطيتك وسط صدري ولكن غاب تفسيره