[خليفة الصائغ]

من الارشيف

لكسر عامل الغياب




فـ وقت المساء ..

هدوء وأسى .. جرح السنين ..

يتنفسه شعري ونين .. من داخل احساس الانين ..

جاتك حروف .. تلبس من الدهشه غرام ..

تتوسد رموشي .. تعال ..
ونام .. احساسي ظلال .. بس الخفا ..
ما هو جفا .. بين الضلوع ..

تنزف دموع .. وتحترق منها شموع ..

ناااااااااار الغدر ..

يسيل من قلبي قهر ..

وانا انتظر ..


منكي اتصال .. او رسالة صامته .. لأجل الشعور ..


فـ وقت المساء .. سر النساء ..

بعض النساء ..

جرحه قسى .. في موطن ارحاب الحياه ..

بعد الترف .. زال الشرف .. ؟! وين الشرف ..؟!


في خنجرك وعد انتحر ..

لين امطرت غيمة حزن ..

تروى عطش صحراءها .. اما الفرح ثوبه كفن ..


لا يا نساء .. وين الوفاء ؟!

غادر بلاد .. رب العباد ؟!

امهل مهل .. رب (ن) كريم ..
وين الهدى .. وثوب التقى ..؟!


جرح الشرف ..

ما تمسحه دمع السنين ..

هذا المساء .. جرحه قسى

هدوء وأسى .. جرح (ن) دفين ..


يا من لبس
من حســرته
ثوب القهر
...................شف هالطهر يزفر من انفاسه حزن

وتنكست اعــــــــــــلامها بعد الطهر
..................خيل الشـــرف ينفر ولا عنده وزن

وبحثت انا
ويني والقـــــــاني
شعر
..................وبحثتها طفله والقـــــــــــــاها كفن

ليت القبر يدفـــــن معه سم الغدر
..................لانه غدر ما يغســـــله طهر المزن

وليت الدهـر
يرجع ولو
لحظة عمر
.................يمكن يزيح الصبــح ليله ويندفن

كم من قهر
ينظـــر على
شفق الفجر
.................عينه على ضوء الشرق يمكــن يحن