[سهام ماجد]

لحظة وداع



كنت راجعة وقلبى صافى
بالمحبة قلت اوافى
ننسى كلمة قاسية بينا
قلناها وفرقت مابينا
كنت جاية أعتذر لك
وبالحنان آخدك واضمك
بس جا لى رد منك
شق قلبى جوا منى
رد فاق كل الحدود
كأنه لطمة ع الخدود
شفت نفسى تايهة عنى
والأسى خدنى وقتلنى
ماسمعت غير دقات لقلبى
كل دقة قالت ايه ذبنى؟
لملمت روحى وقتها
حسيت اللى جوايا انتهى
خدت نفسى ومعاها حيرتى
وسألت طيب ايه جريمتى؟
وبالدموع كانت اجابتى
هى دى نهاية حكايتى
بايدك بنيت بينا السدود
راحت معاها كل الوعود
ولقلبك خلاص ...
مش راح أعود
ودموع عنيا
عليك شهود
بقلمى
سهــ ماجد ــام