[سهام ماجد]

عـذبيـنــا وافـرحــى



ليــه يـادنيــا تعـذبينـــا ونــازلـة فـينــا نــأورا
كـل ما نجـــرى عـليـكى ترجـعـي بينـــا لــورا
دا احـنا يامـا شــفنـا منك إمتى تنســينــا بقــى
كـل يـوم تـأنبينــا يـاريـت تقــولى إيـه جــرى؟

عـذبى فــينـا براحــتــك زودى فــينــا الجــروح
لــو حـاولنا نشـتكى لك عـرفيـنــا لميـن نـروح
عـلمـينـا إزاى معـاكـى بـالألــم نـقـــدر نعــيـش
طـب كفـايـة .. نورعنينــا م البكــا قــرب يـروح

حـظـنـا إن إحــنـا فـيـكى ولقـلـوبـنــا تجــرحــى
كـل ما نحـاول نسامح.. تعــذبيـنــا وتـفـرحـــى
ولــو قـلنا حــقـك عـلينـا تــدوسي ما تـرحـمــى
انتى ليــه قـاسـية كـــده! هـِزِّى فينـا وطـوَّحِـى

قــلبى خلاص صـبح حــزين وللـه منـك إشـتكى
نفسـه يفـرح إيه الحكاية حـاسس إنه ف معـركه
كتير بحاول أراضى فيكى وانتِ عنـى ما بتسألـى
دنتى غلبتينى خالص إترمـيت ف حـضـن البكـا

يـا دنيـا دايـرة بقســـوتك ع القــلـوب بتقـسـمى
ماســكه ريشـة الأحــزان ع الوشــوش بترسـمى
نفـسى أشـوفـك مـرة واحدة تمسحى دمع العـيون
تحـضــنى قـلب الحــزين .. وبالحـنان تتبـســمى

بقلمى
سهــ ماجد ــام