[center]
أعتذر عن غيابي الطويل أعزائي
وعسى أن تسمو هذه المتواضعه الى رقي ذائقتكم
"وقت الغروب"
لا لمحت الشمس في وقت الغروب
تبتعد وآنا على ذيك الهضـاب
وانجلى وجه النهار من الدروب
عادت الذكرى بعد طول الغياب
وأصبح المحبوب في بالي يجـوب
والدموع تسيل من حر المصاب
أذكر الغالي ولا اقـدر اتـوب
سيرته عندي غدت شرع وكتاب
ان طرالي تهت في البيداء اجوب
ساري وليلي عن الواشي حجاب
اقصد دياره وكن فيها حـروب
من مكانه ما يجـوز الاقتـراب
وابحث فدربي مكانن لي فصوب
معتلي كاشف وما يمنعه بـاب
أنظره باي حال لو اجني ذنـوب
أنظره لو تبعث النظـره عـذاب
ماني بضاري على لبس العيـوب
ولاني بفاقد من العقل الصـواب
الصبر في داخلي صابه نضـوب
عدت الأشواق بي حد النصاب
ذا نداء القلب ما منـه هـروب
منيتي شوفـه وتفديـه الرقـاب
لو أعيش فحرب وتزيد الخطوب
وتحشر الأكوان غيره ما اهـاب
هو مليك الروح روحي به تذوب
وهو معي كني على متن السحاب
هو أحبه بس ذا اللغر اللعـوب
البدايه منـه مـا بعـده مـآب