*****
اروح اهرب ورا النجمة..
وتحت الكهف ف الضلمة..
وأتخفى
ف ريش عصفور .. يخبينى
وتحت جناح
من الافراح .. يدفينى
أروح لليل وأشكيله
ظلام دربى
الاقى وحشته القاسية
تاخدنى ف حضنها الناشف
لحزن طويل .. يقسينى
وبرضه هناك ... تفاجئينى
*****
أروح أركب سحاب هربان
من البحار..
من المية..
يودينى .. لصوت الرعد .. يشجينى
أروح للبحر ..يبلعنى
ويحشرنى... فى بطن الحوت .. ليحمينى
يشيلنى الموج على ضهره
ويعمل من ضلوعى شراع
ويغزل من همومى .. دراع
يجدف بيا فى الاعماق
هناك القاكِ يا دموعى .. تلمينى..
جماااااااااال نصير
تحرك النبض داخل المتلقي، تسافر بنا حيث تشاء
وتهدنا تفعيلات ننحنى لتوازنها
تتمايل القلوب وتسقف الكفوف
انت
مبدع
لك كل الاحترام
|