[خالد الحربي]

السلام عليكم ورحمة الله وبركاته

تحية طيبة لجميع الاحباب من اعضاء ومشرفين ويسعدني ان اقدم مشاركتي المتواضعة
.

بعض الغلـى لا ابعـد طريـقٍ يوديـك .... وينسيـك نفسـك عنـد غيـرك وذاتـك
وتـكـون واضـــح بـيـنـاتٍ خـوافـيـك .....والـــي بقـلـبـك يظـهـرنـه سـمـاتــك
وهذا يصير ليا صدف شوف غاليك ..... وتشابـكـت عـيـن الـولــه بالتـفـاتـك
ولمحـة بسـمـة واحــدٍ عـايـث فـيـك .....وبــدون لا تشـعـر تـوقـف خـطـاتـك
مدري غبى مدري غلى ذاك او ذيك......بـس الاكيـد سهـوم بقـعـاء وجـاتـك
الصمت اطبق في شعورك واذانيـك .....ودك تجـمـع فـــي مـكـانـك شـتـاتـك
والـي بقـى مـن فكـر تـايـه يمشـيـك .....ودقـة هواجـيـس الـهـوى ذكريـاتـك
غـلاه فـي قلبـك وفـكـرك وماضـيـك .....وهو محور اشجانك ومالك سباتـك
لا نــه كـثـر حـبـه بـروحـه يـفـاديـك ......ومـن الولـه يمكـن يسـوي سواتـك
وكم قال لك انه من الروح شاريـك ......ويهتـم لامـرك فـي جـوانـب حيـاتـك
وليا حصل بعض الزعـل مـا يخليـك .....يجفـى المنـام وتهتـنـي فــي مبـاتـك
ولـيـا هــرج نـسـمـة عبيرٍتحـاكـيـك .....وليـا سكـت تنـطـق عيـونـه غـلاتـك
حبـه ماهـو حـب الغنـا والشرابـيـك .....حـبٍ عفيـف ليـا حصـل هـو غنـاتـك

خالد الحربي