كذبك حلو
تدري وش اللي معلق بخافقي فيك
كذبك حلو .. أحلى سمه من صفاتك
أصدقك لو كنت ما مقتنع بيك
وأقنع بقايا خافقي من غلاتك
لا تحسب ف كذبك .. بتستر بلاويك
الكذب خيبه .. وإنت أدرى بسواتك
تدري وش اللي من سواتك ينجيك
إنك حلو .. محدن يجاري حلاتك
وتدري وش اللي مزعلني و مرضيك
إنك أناني .. ما يهمك .. رضاتك
مشيتني درب الألم في أراضيك
وشقيت في أرضي دروبن لذاتك
حبيت نفسك .. عفت دربن يوديك
لدروب أكبر .. تختصر لك جهاتك
ماكنت تدري بأن صدقك يسويك
وأن الوفا لو كان .. أحلى سماتك
همك طموحك .. شفتني ميتن فيك
حاولت تخدعني لجل أمنياتك
ما كنت تدري بأن أصلا أبعطيك
أغلى مكانه تحلمبها ف حياتك
أدميت قلبي .. جيت تبغي أداويك
وشلون تنسى جرح يكبر .. عباتك
تدري أحبك .. والوفي ما يخليك
بس لو ت حلي شي من ذكرياتك
لتكون جاحد .. والوقت كان يمديك
إسلك طريقة تشفع لسيآتك
تبغي طريقة تشفعلك وتعفيك؟
إمنع ذواتك من محبة ذواتك
يمكن بتلقى شي فيني يخليك
تحيى عشانه .. تجمع به شتاتك
وإن ما لقيت ف خافجي شي يحييك
هذه جزاتي .. وإنت هذه جزاتك
ضميتك ف صدري .. وقلبي يرويك
وحققت .. كل اللي تبيه ف وصاتك
مافاتك التقدير من كثر م غليك
مافي طلب تنخاه فيني وفاتك
عيشتني ما بين شكي أدرايك
واليوم فرصة .. يا حبيبي وجاتك
يا صاحبي لا جيت ودي أوصيك
ترفق بقلب ن مايروم لجراتك
من كثر ما هو وده إنه يلبيك
عاف الحياة ونظرته في سكاتك
لكن حسافة حظه اللي يراعيك
ميذوق صدقك .. وإنت هذا صفاتك
ويا صاحبي لا غبت .. ودي أجافيك
وأقنع بقايا خافقي في مماتك
ماعدت أبغي شي فيني يحاتيك
هذه حياتي .. وإنت حر بحياتك
العمر يمضي وإنت تكثر بلاويك
وماعاد لي قدره تحمل سواتك
إما تريح هالقلب من مساويك
ولا توكل .. ما أبيها حلاتك
عبدالملك البلوشي
نص ذوا شجون
يحمل في طياتة معان سامية
اتى بمصداقية
ونفس طويل
يحمل الابداع
ويستحق التثبيت
ف اهلا بك اخي عبدالملك في السلطنة الادبيه
متمنيا ان تواصل هذا النزف الجميل..
|