[احمد المخيني]

يا باقة امس الذابله في كاسي
والصبر والسلوى وقل الحيله



تطري عَلَي ، اما يدنق راسي
للعز، ولّا مبطيً ما شيله



آطوعك طوع الزمان القاسي
اللي يمشّيلي ولا امشيله



تزهى بك عيوني ويملا طاسي
واصير صبرً ما اندهل تطويله



يركيبي الواقف ويذكر ناسي
واكون مقياله وخيرة قيله



تركيبة اسهل ما يجي في راسي
و تأوليه ؟ أصعب ما يجي تأويله



اطهر من اللي بالتعب متكاسي
واشطن من اللي غامضً تفصيله



واعمق من الفكر القديم الراسي
في قاف شيخً شمّخ التفعيله



وتموت فالهقوى ولا تنداسي
ابرك ، ولا هي ل الثعل في قيله



ويا ذا اللجين ، الناصع الالماسي
يابرقع النجلا ولا بي حيله



الثقل لبّد غيمك النبراسي
واحجاجك "ادعج"لو يداعج ليله



والجو رايق والهوى نبراسي
يطريلي المنظر ولا يطريله



مابينها الحمر البلا دسّاسي
كنها حمار الشمس ....في التأفيله


دمتم بود..