[رامي العتيبي]

صباحكم/مساكم شعر
من الجديد لقلوبكم




المركب اللي على سيف البحـر مارسـى
طاوع ظروف البحر ماادري هبوب الرياح

وش هي بعد حيلتـه مـادام جـاه المسـا
واستصعب الليل واخلـف نيتـه فالمـراح

والادمـي لـو حياتـه ماصحبهـا قسـى
مايسهر الليـل ويـدور لنـور الصبـاح

لابد مـال القـدر وقفـه وظلـم واسـى
مثل الكفوف النديـه والكفـوف الشحـاح

من ماضي الوقت والانسان لامـى نسـى
مايقدر يعيش في حال الكـدر والجـراح

ان طاوع الوقـت قلنـا يالعـل وعسـى
وانما حصل طاوعه يبقى الامل فالريـاح